Спадчына: Катовіч Ігнацій Васільевіч
Серада, 10 Чэрвень 2020 09:44
9 ліпеня 2020 г. — 175 гадоў з дня нараджэння Ігнація Васільевіча Катовіча (1845–1913), філосафа, багаслова, педагога
Ігнацій Васільевіч Катовіч нарадзіўся 9 ліпеня 1845 г. у мястэчку Воўчын Брэст-Літоўскага павета Гродзенскай губерні (цяпер в. Воўчын Камянецкага раёна Брэсцкай вобласці). Сярэдні з трох сыноў воўчынскага святара Васілія Ануфрыевіча Катовіча (1815–1855), быў названы, верагодна, у гонар дзядзькі свайго бацькі — праваслаўнага царкоўнага дзеяча, епіскапа Брэсцкага Ігнація Жалязоўскага (1802–1872).